Bentley rexeita os eléctricos no mercado de luxo

O conselleiro delegado da Bentley, Frank-Steffen Walliser, afirma que o mercado de luxo actualmente rexeita os coches eléctricos. No seu depoimento a Car and Driver, menciona que os consumidores adinerados ven os vehículos de luxo como algo que só pode estar equipado cun motor de combustión.

En 2020, Bentley tiña ambiciosos plans para transformar a súa gama de modelos, prevendo que todo sería hibrido enchible para 2026 e totalmente eléctrico para 2030. O primeiro EV da marca estaba programado para saír da liña de montaxe en 2025, segundo querían na compañía.

Despois de cambiar de rumbo, a marca está en proceso de modernizar a súa oferta, optando por motores V-8 híbridos que substitúen ao antigo motor W-12. Walliser confirmou que o motor W-12 non volverá a producirse e que acabará por desaparecer.

Agora, o primeiro EV da Bentley está programado para debutar en 2026, coas vendas comezando en 2027. Waliser sinalou que Bentley é demasiado pequena para permitir a existenza simultánea de versións de combustión interna (ICE) e eléctricas dos mesmos coches, a diferenza de marcas como Mercedes e BMW.

Os híbridos enchibles son considerados por Walliser como unha opción válida e non só como unha transición temporal na industria. Aínda que non se compromete completamente coa idea de ofrecer só híbridos enchibles, amosa un optimismo notable en relación aos e-fuels.

Antes de asumir o cargo de CEO en xullo, Walliser traballou en Porsche, a empresa irmá de Bentley. Non obstante, a marca pode continuar producindo coches de gasolina sen hibridación, aínda que os modelos poderían ser de produción limitada.

En contraste, a súa principal competencia, Rolls-Royce, está apostando firmemente polos coches eléctricos, lanzando o seu primeiro EV denominado Spectre e con plans para un SUV e un sedan eléctricos que chegan en 2027 e 2028 respectivamente, comprometéndose a ser totalmente eléctricos para 2030.